பச்சை தக்காளி டிபன் சாம்பார்!!!

சமைக்க தேவைப்படும் நேரம் : 20 நிமிடங்கள்

தேவையான பொருட்கள் :

·         துவரம் பருப்பு – 1 கப்

·         வெங்காயம் – 1

·         தக்காளி – 1,      பச்சை தக்காளி – 2 பெரியது

·         பச்சைமிளகாய் – 4

கடைசியில் தாளிக்க :

·         எண்ணெய் – 1 மேஜை கரண்டி

·         கடுகு, வெந்தயம் – தாளிக்க

·         கருவேப்பில்லை – 4 – 5 இலை

·         பெருங்காயம் – சிறிதளவு

செய்முறை :

·      வெங்காயம் + தக்காளி + பச்சை தக்காளி + பச்சைமிளகாயினை பொடியாக நறுக்கி வைக்கவும். துவரம்பருப்பினை கழுவி கொள்ளவும்.

·         குக்கரில் துவரம்பருப்பு + காய்கள் + மஞ்சள் தூள் + உப்பு + தேவையான அளவு தண்ணீர் சேர்த்து 4 – 5 விசில் வரும் வரை வேகவைக்கவும். (குறிப்பு : விரும்பினால் 2 - 3 பூண்டு பலினை தோலுடன் சேர்த்து வேகவைத்தால் நன்றாக இருக்கும்.)

·         குக்கரினை திறந்து வேகவைத்த பொருட்களை சிறிது மசித்து கொள்ளவும்.

·       தாளிக்க கொடுத்துள்ள பொருட்களை தாளித்து இதில் சேர்க்கவும்.

 ·         சுவையான எளிதில் செய்யகூடிய தக்காளி டிபன் சாம்பார் ரெடி. இதனை இட்லி, தோசை, சாப்பத்தி போன்றவையுடன் சாப்பிட சுவையாக இருக்கும்.